Beraberina sa o flagya

Materiali thay sheya: Qham, kolori, makaze

Evolviripe e aktivitetsko: Ano tikne qhamya pikturineni o flagya e yaverune rashtrenge sar si may tele, thay may pale mekeni e qhavore ne kolorinel sar sipe misal kola tumen mothavena kotar o telefonya. Vakereni vash odola flagya thay mothaven kay sakoya rashtra sila poro flago pere specifikune koloryenca. Kereniklaro kay si te den ini selikano flago thay odova e Kosovako ano akava aktiviteti. May pale, o qhavoro manglape sakova flago te qhinel ano kvash ano beraberyuno shaipe, akate ashutinenole vash te keren linye ano mashkar. Akava aktiviteti inarenole ano khelipe kote kareshtinena sa o flagya thay o qhinde kotora , thay o khelipe sile res vash te beraberinel sa o flagya kola si po kvash. Si shuka kay o qhavoro akava khelipe te yaverinel but ver e familiyake jenenca, kote si te mothavel kay kriiringya kokoro yek khelipe kotar o starti ji pe agor. Ano tasfiri situmen misalya e selikane flagosko, numay ano ayni modeli reslizineni ini Kosovako flago.