Magiyake lafya

Materiali tahy o sheya: Khelipya vash o qhavore

Evolviripe e Aktivitetesko: berabervakereni e qhavoreya vash magikune lafya, kola si odola thay kana vastingyona, m.s kana vakera “Ov sasto”, “Ruyjinati”, “Afi ker” rhy.

Khelgyola o khelipe “Bureko” (Dramatizmo e mothavipasko). Ano akava suro, o dat vay diklardo kerna sar ushinena bureko. Ani kuyna khuvla e familiya. Na vakerna “Laqo dive” numay khuna ferdipa e vudaresko, na thovla o vasta thay vakerla bare avazo: “Mangava bureko”, o dat vay diklardo ovla sar ushinela bureko na dela respodipe thay na iranla o shero vash te dikhel. Qhavoro palem, e uqe avazoa qhingarla “mangava bureko” thay khuvla pe pre ani myshema. Dat palem na iranla o shero ovel sar na shunla. Qhavoro dikla poro bangipe . Iklola avri, nakla thovla pe vasta, khuvla andre ani kuyna thay vakerla “Laqodive daye/dat” , qhindilen mi ? “manglape mi te poshkaratu?” Dat/dat iranena o shero thay hasaba vakerna: “Akana lelum kan”. . Qhavoro lela angale daya /dade Ashutinla ano bularipe e mesako thay vakerla e dake /dadeske”Ovensasre but!”.

Beraber e qhavoreya, gatisarna yek posteri e laqe lafyenca thay shukarhalovipe.

Rodena e qhavorestar te vastinel magikune lafya sar mahatne pe lugipe e komunikipasko ano sakodivuno jivdipe

Sar si pe mangipe shay te drabargyol yek poezia “Penjarena, akava si e Flutura”, kola vastinla laqe lafya. Putarla o soipe kale akya, vakerla e dadalyenge “Shukarsabahi”!” / nakla ano boro e kamipeya thay vakerla e babake “Ji po dikhipe!/ kana ashutinenole thya bahtakernole, vakerla “Ovensaste” amari Flutra / kana irangyola kotar o boro ano kher, “Laqo dive” vakerla e dadalaryenge sakoyaver.

GILI – “Soske shasherisalan?” 0 kana e sikavni vakerla sako dive ,/ magikune lafya ani amari qhib kova vakergyola shuka. / Tu soske shasheringyoveya vash akava janena savore amenda ,/ Magikune lafya shay te akana vakera yekhatar. / Kana diso nanamen,/ tu sig ker nays,/ kana kereya bangipe , ker afi yekhatar . / kana vakera shuka, saren mabgnamen but ,/ sar yek putardo gyli , phiravgyona o lafya ani vosht. / Afi ker/ nays tuke./