Sivipe e umalako

Materiali thay sheya : humer e galbeno koloreya (shay te vastinen kafa vay kako vashte den kolori e humereske), ververutne semenke sar pasuli, kolomoki, bizele, vay bare kotora e habyenge kola shay te mekhen nishani ano humer.

Evolvirpe e aktivitetesko: Vakereni e qhavoreya kay ano gava si but phuv kote shay te sivingyon frtute thay mevalya. Mothaveni oleske kay adive tumen ka khelen humereya thay pretendineni kay o humer sito e phuv thay ano oleste te sivinen ververutne semenke. Deni tumare qhavoreske yekh tikno kotor e humeresko e galbeno koloreya thay semenke vay ververutne frutenge thay mevalyenge kotora. Mothaveni qhavoreske demonstrindoy sar te buhlarel o humer ano yekh thanipe thay inkuraineni e qhavore te kerel yekhuno shey. Odoya ver “kedeni” yekh umal e frutencar thay/vay mevalya. Tikne qhavore naturipeya ka ushkaven o semenke vay kotora e frutenge/mevalyenge ano humer thay ka duryaren olen palem. Vakereni e qhavoreya phanglo e nishaneya kay sakova habasko artiklo kerna ano humer. Sito gungenca? Sito bare vay tikne gunge? Siton yekhune nishanya vay yaverune? ty. Mekheni e qhavoren tromale te khelen sar mangena thay imaginacia olengi e gatsiarde materialencar thay ma khuveni vashte “laqharen” olengo khelipe.