Amaro pikniko

May shukar than vash te shrden e neve haba vash tumaro qhavoro, sito kana kerna pikniko ani natura. Mothaveni e qhavoreske kay adive ka nakhen ano pikniko….. thay mekheni te lel kotor nao gatisaripya. Beshaveni ano yekgh qeba thay khetane tentinena neve habe thay neve ovipya e habaske.

Rahatineni e qhavore te sine kay qhavoro sile pandar mangipe vash phikoipe kana beshla, thay mekheni te tentinel o habe, te khelel, te zhagingyol ty ty. Pikniko shay te barvakeren ini shunipeske khelipye thay avrial e natura sitoy pherdi e neve sheyencar vash te ekplorinen thay stimulinen oleske/olake shunipya. Mekheni te puzal pashe ano neve terenya – qar, nashuzhupe, patrenya, bara ty. Mekhen te lel o neve materialya – sane kashta, qika, luludya, qaryake kotora, bara ty. Numay adikereni ano yekh dikhipe sama thay lungyaripeya komunikinena olencar.