Preferimo khelipe

Shay ji akana na tentingyen, thay latumen kan. Sinetumen merako kay qhavore shay nasvalona kotar nashuzhipe kay shya te therel e phuv.

Akana sito o vahti vash te mekhen e qhavore te tentinel te khelel thay amen sigurina tumen kay sitoy yekh e may preferime khelipyendar vash o sah qhavore….. janena kay qhavore silen mangipe te len ini nesave mikrobya feri so ayekha sfidingyola thay zorakergyola olengo sitemi e garavipesko [imunitaruno].

Ayekha adive, kana iklona avri ani natura, mekheni e qhavore te qhivel pe vasta thay te shune pere olake. angushya. Mekheni te manipulinel e phuvya… thay  khelipya kay sila.  Shay te qhiven hari pani thay te ovel kovlo.

Tumen thereni sama kay ma te qhivel pe moste…. yaveripey ane ovel melalo, te khele, te frdel thay sah so dikhola oleske interesantuno. Te sine kay na ka ikloven avri, tumen shay te pheren yekh tasi vay legeno may tikno thay….qhavoro ka qudingyol….tentinla te lel kan so si… ka khelel vi yaver khelipyencar thay ka qalargyol. Tumen shay te garaven ini tikne khelipya ano tasi thay….qhavoro ka arakhel 😊