Ajikerdo rezultati : Qhavoro anglodiklarla fizikuno dikhipe e malinenge thaay e malenge ( bala, kolori e akyeng) sar reaginena on kana siton loshale vay merzana.

Mangle sheya : Lileske taynirya, thav tulo thay koloreya ,hrami, kolorya ,lepako thy.

Evolviripe e aktivitetesko :puqeni e qhavoren sar diklona tumare mala /malina, sar si olengo anav, koba bersh silen,tu dikholen sar diklona olenge bala kotar o kolori thay kobaripe, akyengo kolori, habe kola ov/oy kamena, khelipe kova khelena may but thy.

Leni lileske taynirya ( vay te lelon ini paketeske lila), pikturineni o muya e malenge/ malinenge thavenca modelineni o bala sar si pe kolori e balengo thay o kobaripe e lugipaske. Koloreya kolorineni o akya, o voshta thay o muy shay te vastinen ini lila yaver koloreya.

Palo agor e butikeripasko, qhavoro prezentinla sakova butikeripe ms. Akaya si miri malin e Reza. Si bala e kahaverenge koloreya, o akya kahaverenge. Sile kefi te hal maybut kirasne thay o khelipe e pishotenca.Si but malipasko feriso khelela savorenca thay ashutinlamen kana simen mangipe thy.