Ajierdo rezultati : Qhavoro “drabarla ” pustik e pashutnengi oleske/olake.

Mangle sheya: parne lila, hrami , kolori , makaze lepako thy.

Evolviripe e aktivitetesko :Vakereni e qhavoreya sar manglape te prezentingyol kana nakla ani shkola. Ko saslarno vay ko dayek yaver than kote manglpe te prezentingyol. Leni yek mikrofoni (rovlik, so situmen dayek obyekti kova shay te vastinen sar mikrofoni).

Khelgyola ano role”Sari to nav thay kotar aveya?”
Shurnalisti/a-Laqo dive ! Sar khargyovena?
Qhavoro: Laqo dive ini tumenge! Me khargyovava Rreze thay avav kotar e Prishtina
Shurnalisti/a- Kobar bersh situmen?
Qhavoro: Yulo qhon phrgyum 6 bersh.
Shurnalisti/a: kasa jivdinena ?
Qhavoro : Papo, Papin, day thay o dat.
Shurnalisti/a: kova fruti beginena may but?
Qhavoro: may kamlo fruti si o kirasna feriso sitoy gugli thay beginava olaki forma.
Shurnalisti/a: Ano tere pikture kova kolori vastinena may but?
Qhavoro : havayako kolori feri so beginava o buvlipe.

O lafya beraberingyona ani baza e realune informipaske ano role e qhaveske, numay ini shay te phergyon ini ano yaver puqipya sar si pe mangipe.

Beraber e qhavoreya lelona sheya vash te kergyol e pustik. Lila shay te oven parne vay ini koloreya. Ani sakoya lil o dat vay diklardo hraminla e rovlarin thay may pale phergyola kotar o qhavoro ms. Me sim 6 bershuno , o gendo hramingyola kotar o qhavoro. Ini ov o qhamya e bukyake sar si pe rovlaripe qhavoro pikturinla vay lela dayek tasfiri kova si qhindo makazenca thay thovlole ano ulavdo than. Palo pheripe e sa lilengo kola sa gatisarne e rovlaripeya. Beraber e qhavoreya kergyola phanipe e pustikako lepakoa vay yaver sheyenca. ( shay te vastingyon ini lila e bukyake gatisarde kotar i pustik)