Polaruno riqino

Materialya: lil, pamuko, lepako, makaza
Evolviripe e aktiviteteskoPuqeni tumare qhavore adive vash o riqino, sar dikhlola? Savo kolori sila oleski morti? Kobar sito parno? Mothaveni foto vay dikhjeni ani yekh pustik o figure e riqinencar. Palo odova mothaveni kay adive ka keren buti khetani yekh polaruno riqino parno e pamukoa.

Palo odova pikturineni yekh polaruno riqino ano yekh lil,
makheni lepako vay deni e qhavoreske
te makhel o lil lepako
thay  qhiveni pedral oleste pamuko vash te pherel o trupo e riqinesko.
Demonstrineni e qhavoreski sar ka ulavel
o pamuko ano tikne kotora –
so shay te ovel khelipeske thay zorakerla o tikne muskule thay vasta e qhavoreske.

Vakereni e qhavoreya kay kerena e morti e riqineski, thay mekheni e qhavoreske te pherel o trupo e riqinesko e pamukoa. Mothaveni sar e morti azhutinla e riqino kay te adikerel o tatipe e truposko talo ledyalo pani thay ano than but yiveya kote jivdinela. Qhinei tikne toporlakya kotar kalo lil, vay pikturineni olen thay azhutineni e qhavore te decisinen ano manglo than vash te simbilizinen o yakha thay nak. Pe agor, dekorineni i sah than e parne kolorea vash te simbolizinen o ledya thay o yiv ano ambienti kote jivdinela o polaruno riqino.