Mangle sheya: Na manglape sheya vash realizipe e aktivitetesko

Aktiviteto: Ji kay startinena anglo qhavore te prezentinen yaverune konceptya e qhibyak, shay te puqen tumen soske si mahatne o angloanava? Lafya sar; sigutno, yavashyuno,baro, tikno,ji akana o qhavoro shay ini te janel. Numay so kerlole aboka themelyuno siklipe e angloanavengo vash evolviripe e qhibyako? Odoyaver o angloanava si te ashutinel e qhavore te kerel o lafya pherdoleipekan kote si te mothavgyol o janipe yeke manushesko, jivipya vay obyekti. Kobaver dikheya o keripe e yeke manushesko, shay te emitinel may saktyuno kote si te thovel ini yek angloanav ano manglo than ano lafi. Odoyaver vakereni e qhavoreya thay diklareni o surya kova o qhavoro penjarla;koya si bari thay koya si tikni, koya si sapandi koya si shuki, koya shay te phirel sig thay koya po hari thy. Evolviripe e saktyune qhibyako thay barvali e lafyenca si te bayrol sako dive.