Miri flauta

Materiali thay sheya:Pipke  e sokyenge, shiriti lepako, makaze ,lenyiri, markeri vay dayek hrami koleya shay te hramingyon o lenya e meripaske.

Evolviripe e aktivitetesko: Berabervakereni e qhavoreya kol instrumentya penjarla, sar diklona on sar khelgyola oleya, puqeole, m.s: Sar diklola e Furula? Sar bashala e furula? Kova instrumenti kamena may but soske? Beraber e qhavoreya diklola o dendo modeli vash o aktiviteteti thay vakereni kola matrialya thay sheya manglape vash te keren yek flauta. Vash kedipe e matrialengo thay o sheya puqlola o qhavoro so manglape te kerel vash o starti.Seralaipe e pipyengo sar si pe mangipe, meripe e lenireya thay hramipe e linyengo vash qhinipe, qhinipe thay pe agor seralayneni sar si kotar may lugo ji ko may tikno. Dat vay diklardo ashutinla ko meripe kote si te tiknarel vash 1 cm. Palo agoripe e butikeripesko e flautako, qhavoro khela thay eksperimentinla sar kergyola e tingula kotar o khelaripe e phudesko ji kay phudla ano rupe kola si putarde e pipkengo (qareske rupe) thay sar yaverinla o duripe e tingunyengo, kotr ano qar harno e qarosko e phud iklola may sig thay no lugo qar e phud iklola may yvash vash te iklol.