Kosova sila Festa

Materiali thay sheya:  Lil koloreya (parnp , havayaki kolori thay zhuto), sane kashta kotar o kasht vay kerdile kotar o lil, lila paketeske, hrami, makaze, lepako lilesko, shiriti lepako thy.

Evolviripe e Aktivitetesko:Berabervakergyola e qhavoreya vash Kosovaki Festa e Biumlavipaski, savi festa sitoy, sar festingyola akaya festa, sar laqhargyola e diz vash Festipe e biumlavipasko thy. Ayeka, ini yek informipe sar o qhavoro festinla leipe kotor ano yaverune aktivitetya organizime vash akaya festa, kote nesave qhavore gilavena gila, nesave yaver kerna pkturipe thay vastbutikeripe sar si pe olengo mangipe. Butikeripya sasavipeya kergyona kote respektingyola o koloripe e flagosko numa ano forme e yaverune modelyengo vash te ovel may shukar e Festa e biumlavipaski thy.

Leni o lila koloreya thay pikturineni o qerenya kotar o dat vay diklardo. Trin qerenya bare yeke koloreya e havayako, trin mashkarune qerenya zhute thay trin tikne qerenya parne koloreya. Qhavoro qhinla o qerenya thay qhivla pederal yekeyavereske kote startinla kotar may baro qeren, vash te dikhel sar diklona , kote si o mashkar/centro olengo kote manglape te decisingyol o lepako. Palo lepatipe e qerenyengo kotar may bari ji ko tikno, yek harno kasht vay lil qhivgyola mashkar o qeren thay lepatingyola lepakoa shiriti. Sarsipe mangipe te dekoringyol ini e siriteya kotar o yaver matriali stofi, vay te kergyolpe ini putikeripe ano yaver modelya.

Sar si pe mangipe shay te drabargyol vay te siklol e poezia “Bilumlavipe”. / Peripe e vilengo but loshalipe/17 februari festina adive/ Baro dive e biumlavipasko / Shefkikergya o kham e tromalipasko . / droma centrya obyektya laqharde flagoa / Koba laqi diklola e Kosova /May laqi ,may laqi se niyekver.