Mangle sheya
. Yek shiriti e lilesko kote si decisime nesave kolorya kola si pikturikme koloreya kashteske vay payneske. Mangle yaver matriyalya lelona kotar o mashkar kote jivdinla o qhavoro.

Vash akava aktiviteto startipeya vazda o shiriti e koloryengo. Vash akava mekeni e qhavore te alosarel preferime kolorya, thay decisineni ano shiriti sar situmen mangipe, thay koba si shaipe e formako. Shay te kergyol forme odola yverune e yverune koloryenca.

Shiriti si te decisingyol ani mesalin vay myshema thay rodeni e qhavorestar vash te beraberinel o kolori dayeke obyektesko kova araklola ano mashkar, vay shay te beraberingyol ini e forma, thay idealuno kana ovla bareshipe kotar o duy koponentya.

O matriali shay te ksplotingyol ano mashkar e kheresko vay ini avri olatar.

Pe agor vakergyola e qhavoreya vash o kvaliteto e fastipasko e obyektyengo kova ov alosargy. Mekeni e qhavoren ini te kerel bangipe, ayeka kana situmen shaipe te fokusinentumen ano diskutipe vash te zorakeren o siklipe e formengo thay o kolorya sar ini klasifikipe e obyektyengo sar si pe olengo kvalitet. Pe agor shay te keren yek tasfiri kay o qhavoro te garavel sar nakhipe e aktivitetesko.