Produktya thay frutya
Ajikerdo rezultati: qhavoro anavinla thay ulavla o produktya thay frutya
Materiali thay sheya: frutya thay produktya kola araklona ani kuyna, yaverune ilustripay e produktyenca thay frutya, vay ini produktya thay frutya khelipya ,korpa vash o frutya vay qaro (taynirya) .
Evolviripe e aktivitetesko: leni o frutya thay produktya kola araklona ano kher thay phergyola yek korpa sa olenca kotar yek sheyi. Berabervakereni e qhavoreya so situmen ani korpa. Sakova fruti vay produkti mothavgyola Sali forma sile thay savo kolorisile M.s. qhavoro lela yek phabay thay mothavla : “akava si phabaya,sile sferikuni forma thay sile qarboyako kolori. Akava sio drak e tikne truyalenca thay sila kalo kolori, sila guglo ukusi. Akava si but kerko”. Vash sakova fruti vakera ini vash o ukusi kana vakera vash o kerko , thay rodeni kotar o qhavoro vash te gendinel o kerko ukusi thay imitineni beraber oleya, hasana beraber e muyenca, feriso o khelipe thay o aktiviteti silen sakoyaver loshalipe sar may semno suro.
Mothaveni sakova fruti vay produkti ani korpa.
Palo mothavipe o qhavoro lela duy korpe thay o dat vay diklarno rodsela kay ov/oy vash te ulavel o frutya kotar o produktya. Ayeka, qhavoro puqlola so shay te kerel e frutyenca a so e produktyenca?
M.s. e frutyenca shay kera sok,reqeli, qayi,, thy.Numay e produktyenca shay te gatisara supa ,salata thy.
Puqeni e qhavore so mangla te kerel e frutyenca thay so mangla te kerel e roduktyensa./
Beraber e qhavoreya gatisareni yek salata e produktyenca thay yek salata e frutyenca.
Qhavoro probaynla sakova ukusi ,thay anla decisipe kole produktyea te kerel e supa, vay kole frutyea te keravel o qayi.
Vazdeni e qhavore te probaynel o ukusi e frutyengo odola yaver kola na hala e ukusestar ,vay te kombininel duy- trin frutya vash yek may laqo ukusi thay but vitaminyenca.
