Angloyeven ani miri piktura

Ajikerde rezultatya: qhavoro alosarla o matriali kola si mangle vash i buti vash olake/oleske

Materiali thay sheya: Parne lila A4 ,hramya, lila koloreya, yaverune patrenya, lepako thy. (ulavipeya sar si pe mangipe thay matriali ani dispozicia).

Evolviripe e aktivitetesko : Dendile nesave ideye. Kergyola buti so mangla o qhavoro ulavipeya kotar o matriali kola araklona khere.

1. Akava butikeripe ovel e patrenyenca kotar o frutya, yaverune luludya, semethay sane rovlika.

Kana nisar te arakha , vastina nesave shpagete, hari kahaveya ,hari pirinji vay grosho. Akala kolorina e koloreya vash o angloyeven thay vastina butikeripe e naturako ano angloyeven.

Te sine kay  na simen lepako sapando ano kher, hari pani thay shekeri shay te ashutina sar naturaluno lepako ,vay ini hari humer e payneya thay varo. Decisingyola o lepako thay imitingyona o kashta e patrenyenca, droma semenca vash o luludya vay te qhina o shuke patrenya, truyala e rovlikenca sane thay dendikingyona ini yaver sheya sar si pe mangipe e qhavoresko,m.s. luludya ani forma e khameski thy. (sa akala shay te yaveringyon e sheyenca kola situmen khere).

2. Misal duy lelona lila e kuynake koloreya. O lila ulavgyona ano kvash may pale irangyona vash kriiripe e trungoko thay o krangya pashe. Pikturingyola o kasht thay o krangya pederal olende thovgyola lepako. Qhavoro si te imitinel o lenya e khelipeske lileya. Patrenya kergyonabuti ano ulavipe e lilesko e kuynako e koloreya ssa ano angloyeven thay e lepakoa decisingona ano thana yaverune vash o kasht kote kriirinde ayeka alarmi e patrenyengo ano yek fruti.

3. ano trito misal, ano yek lil A4 pikturingyola kotar o qhavoro o kasht thay nesave lenya vash o krangya. Decisingyola o lepako pederal o lenya piktorime. Patrenya kola si shuke trumingyona vasteya kote si te tiknargyon thay decisinen pederal o lepako.

Vazdeni e qhavore vash te vasinel ini yaver matriali vash o yaver pikture.