Me sim nayskerutno

Evolviripe e aktivitetesko : May shukar ovipe vash te leltu e lindra sito yekhe loshale vileya. Inkuraineni tumare qhavore vash sako dive kay anglo se te sovel vash te vakerel vash shukar sheya vash kolenge sito nayskerutno. Anglo se te shrden akaya praktika, siguripeya shrdeni tumen thay gradualune qhavoro ka lel kan so mangla te phenel thay palo odova kereni rutina sakoya rat. Shay te vakeren tikne sheya kay ule ano mashkar e divesko – numay sako dive tumen ka oveltumen diso vash soske sien nayskerutne. Misalake, siam nayskerutne kay adive halam o ruqko khetane, kay dengyanma yekh angali, kay arakhlum miri amalin, kay vakergyum ma da ano telefoni ty.

Tumen ka qudingyoven vash sar o qhavoro ka artikulinel sheya kay on kerde te ovel shukar ano dive. Sito yekh shukar pelaripe pe godi vash sol duy phanglo odoleya so sito qaqipeya may vasno ano jivdipe.

Akaya praktika vash yekh vahti shay te biqhalen ini yekh bajako may angle hramindoy yekh lil vash so sako tumendar sien nayskerutne thay te qhiven akala lila ani yekh tegla vay kutia vash nesave dive rindoa. Palo odova ano sasavo vahti shay tumaro qhavoro na shungyola shukar, tumen shay te len yekh kotar o lil thay te pelaren pe godi vash kobar si shukar kana shunahape nayskerutne thay kobar si lokhe te kera lokhe sheya thay shukarne vash yekh yavere.