Efta luludya vash 7 Marto

Materiali thay sheya:parno  lil A4, lila koloreya, makaze, lepako, hrami, kolorya.

Evolviripe e aktivitetesko: Berabervakereni e qhavoreya kote si te puqeole: Save feste anela amenge o qhon marto? Sar te festina? Sar bahtakerea lafyenca ? koya vesta festingyola angluni? Koba luludya manglape te kera vash e Festa e 7 martoske? thy.

Lelola parno lil A4 thay pikturineni efta porya e lluludyenge. Alosareni o lil koloreya sarsi pe mangipe e qhavoresko numay o dat vay diklardo pherla ano sharkysheliye e kobaripeya kova si ano buvlipe odova manglo vash o efta luludya ano parno lil. O dat vay diklardo modelinla yek luludi thay may pale, beraber e qhavoreya, vash sakova phagipe kay o dat vay diklardo kerla, qhavoro phiravla o bajakya e kaplaipasko. Palo kaplaipe, e lepakoa lepingyona ano uqipe e poryako ani luludi. Pe lugipe e modelipsko vash sakova luludi puqeni e qhavore: koba luludya siton kerde ? Thay koba luludya manglape te kergyon vash te oven efta? Ini palo lepatipe e luludyengo ano parno lil puqeni e qhavore sar si te lepatinen ano parno lil. Probineni kay, anglo lepatipe e lepakoa, te decisingyon ano mangle thana, ano gombinipe e luludyengo ano kolori.

Sarsipe mangipe shay te siklol e gili “Miri edukatora”

Siyan sakoyaver ano vilo/ sakoyaver me kamatu/ kamli edukatora, sar day vash mange. Adive may shukarne luludya, todina dava tuke/ kotar moro tikno vilo 7 marto bahtakerava tuke.