Bartja e ujit me sfungjer

Ky aktivitet i jep mundësi fëmijës për t’u argëtuar, zhvillimin e aftësive motorike të muskujve të mëdhenj dhe atyre të vegjël, gishtërinjve tek- sa e shtrydh sfungjerin, krahasimin e nivelit të ujit të humbur i cili është derdhur gjatë bartjes etj.

Loja zhvillohet duke mbushur dy enë apo kova të madhësisë së njëjtë. Njëra enë/ kovë mbushet me ujë dhe tjetra mbetet e zbrazur e cila vendoset larg dy-tre hapa të fëmijës . Fëmija njoftohet se sa më pak ujë të humbet është më mirë, me një fjalë fëmija merr sinjalin se duhet të nxitojë. Fëmija fut sfungjerin në kovën me ujë dhe e len derisa të thith ujë. Nga aty e bart deri te kova e zbrazur duke e ndrydhur me të dy duart që të lëshojë më shumë ujë. Pasi ta marrë gjithë ujin e afron kovën e zbrazur për të krahasuar nivelin e ujit të humbur.

Kjo lojë mund të ishte edhe më e bukur nëse luhet edhe me ndonjë fëmijë tjetër. Fëmijët marrin kova të madhësive të njëjta dhe një enë më e madhe mbushet me ujë nga e cila të dy fëmijët do të marrin ujë për të mbushur kovat e ujit. Pas të shteret gjithë uji atëherë krahasohen kovat se cila nga to ka më shumë ujë.