Sima mangipe te ovav….

Materiali thay sheya : Yek parno gat (vay mantili e saslarnesko) , stetoskopi, termometri, shishe yaverune e shurupesko, parno lil A4, markeri vay lolo kolori, makaze thy.

Evolviripe e aktivitetesko: O dat vay diklardo khelela dayek khelipe e lafyengo ano forme e vakeipesko. Penjargyola o qhavoro so, palo mothavipe kova kerla o dat vay diklardo, qhavoro si te dol respodipe olake/oleske. M.S , “Parnemaltilyengo ashutinlamen, kana siyem nasvale saslakarlamen” (saslarno). “Pisiako aqhilo upre ano fruti , myau-myau qhingarel, kaste te kharel te shutinelole, tikne pisyako te kurtaynelole ?” (aqhavneeyagake). “ Mangava pustika te drabarav numay o hramya ko sikavla mande?” (sikavno). “Nakhava ani guruna te kinav marokovlo thay parno”mna vakereya ko ushinlola?”(Furunjia). :Yesh kher laqo mangava te vazdavole, kaste te kharav vash te proyektinel?’ (arkitekte) thy. Shay te vastinen ini yaver hramya kotar o dat vay diklardo kote si te penjaren ini o mangipe e qhavoresko vash o profesie kay sile mangipe.

Beraber e qhavoreya dikheni tasfirya yaverune e profesiyenge thay vazdeni te mothavel so sile mangipe te ovel kana bayrola thay soske. Pikturineni e profeia koya si mangli vay improvizipe neso kotar e profesia kova alosargya o qhavoro.

M.s.: “Me siyum saslarno/i “

Lelola yek parno gat kova kaplangyola ko phike e vasteske vash te beraberingyol e truposke ko qhavoro. Lelola ini yek stetoskopi kova shay te gatisargyol kotar yek adikerdo e balyengo kote decisingyola yek shiriti thay pe agor yek vilo kotar o lil.

O dat vay diklardo khelela e rola e paciyenteski thay o qhavoro e rola e saslarneski.

Pacienti :Laqodive !

Saslarno :Laqodive, somanglape!

Pacienti : Sil silalilo thay nashti te lav duho.

Saslardo : Akana te shuna o maripe e vilesko (thay kerla sakana shunlole). Sim shudrilo, sima mangipe te keren ashlipe thay te piyen prduktyune qaya. Hraminala nesave vitaminya thay qaya.

Pacienti: Nays but , so shukar so sima tumen! Shukardikhaape ! (khelipe khelgyola sar si pe mangipe, akava sine sar ideya).

Ini vash o profesie yaver gatisargyona sheya e bukyake sar si pe materialya ani dispozicia thay sarsi pe mangipe e qhavoresko.