So sila toperlak forma?
Ajikerdo rezultati: Qhavoro identifingyola e ilustripeya odola yaverune ani dorma e truyalipeski
Materiali thay sheya: love 20 centya vay 50 centya thy.parno lil A4, hrami ,kolorya, (lila koloreya lila kuynake e koloreya, pastelina thy).
Evolviripe e aktivitetesko : O dat vay diklardo alosarla yek pustik e ilustripa vash o qhavore kote si tasfiri kola mothavena o truyal m.s kote si tasfirya kola mothavena o kham, tekerlako thy.Berabervakereni e qhavoreya ko sile e forma e truyaleski ano akala tasfirya. May pale vaker oleske: “ Numay ani soba kote beshena, ko si o truyal e formako , ava te nakha beraber ani kuyna, odote shay te oveltumen but forme e truyalesko. Putar o dolapithay te decisina pederal e mesalin sheya kola dikhava e truyalipaske sheyenca,te qhalava beraber odola , te dikha save matrialya siamen , te sine kay si tate thay shudre”. Aplo odova o qhavoro te identifikinel e figura vash o truyal ,may pale leni yek parno lil A4 thay o dat vay diklardo pikturinla e pori thay o patren e e saldemesko kotar o draka thay o qhavoro e loveya alosarla e kopia e drakengi sar truyal. Palo kopipe e drekengo , qhavoro sar si pe mangipe shay te kolorinel vay modelinel e plastika, humer vay palome shay te pharavel vay te kerel ani forma e truyalengo odola tikne lil koloreya thy.
E qhavoreya shay te khelen ini khelipe e lafyengo m.s Rroni phiravla o toqko truyal o kyki e drakesko, vay te kriirinel okhelipe vash vakeripe e potenciripeya e tingyola “Rr”.
