Yek buketi luludyenca

Materiali thay o sheya:lil vash pikturipe, hrami, kolori temperi, kurdela thy.

Evolviripe e aktivitetesko : Berabervakereni e qhavoreya kote puqeole: savi festa si 8 Marto? Ko festinla? Sar festingyola? thy.

Leni yk lil e pikturipesko parno, shay te ovel ini thulo lil numay parno. Ano yek tayniri qhivgyona o kolorya temper alosarde kotar o qhavoro. Ano pikturipesko lil pikturineni o porya e luludyenge, yekhatar e e karesheya kotar o qhaoro meringyola o buvlipe e lilesko koba sile sung e vasteski shay te decisingyon. E qetka koloringyona luludyenge portya thay meklona te shukyon. Ano starti alosargyola yek kolori, vash te garavgyol o shushipe e koloryengo. Qhavoro qhivla o vast ano kolori kote diklargyola kay sa o uvlipe e vastesko te ovelola kolori thay may pale pederal o pikturipe struminla o vast vash te decisinel sung e vastesko. Shushargyola o vast thay o tayniri vash yaver kolori. Palo decisipe e sungyengo, buketi e luludyengo shay te laqhargyol ini dekoringyol e kurdela sar si pe mangipe.

Puqeni e qhavore so si te vakerel e dake kana dela olake o luludya.

Sar si pe mangipe e qhavoresko siklola e poezia

Bahtalo Festa e 8 Martoske

Adive kotar moro ilo avena but bahtakeripya/ Vash may kamla dayake/ Ubahtalo 8  marto buderi bulushipeyenca/ May laqi luludi si miri day ani lumia. Gendingyum but se kay si todina? / sa o luludya e lumiake palem diklona hari. / Bahtalo 8 Marto ,loshalipa sastipa, yek bulushipe tato kova si may shukarno so shay te ovel?