Mangle sheya : yek roy , yek tikno shefki vay sheya e saslarneske ( khelipya)

Yek kotar o may bare darikeripya e qhavorenge sitov te nakholpe ko saslarno. Khelip ko saslarno ashutinla but kova beshla ano dikhipe ko saslarno thay ano kevakti bayarla o ledeipe e qhavoresko e saslarneya. Vash akava manglape te vakeren e qhavoreya so shay kerla o saslarno, thay te roden e qhavorestar te ovel saslarno thay te vizitinel yek nasvale paciente. Qhavoro shay te vastinel e roy vash te dikhel o korlo, thay may pale te kerel o ovipe tumen e qhavoreya. May pale startineni e kontrola ano kolin ,dumo ayeka sera. Ayeka shay te khelen e rola e dandeski sera, ini tumen ini o qhavoro.

Ano yekvakti sar siyem pe egzaminipe kereni klaro e qhavoreske so shay kerena, ms leya duho andripeya, ikalena e phud thay. Vastineni o vakti te vakeren vash vaksinipe, thay o procedure e leipasko vash vaksinipe.

Ano akava thavd na kamlape te hovaven e qhavore kay na dukhala, ineksiya , numay te mothaven kay dukhala hari thay giriqinla. Tumen shay te khelen e rola e personeski ko ka vaksiningyol thay shay te mothaven kay dukhala hari , numay giriqinla sig.

Mekeni e qhavore te eksperimentinel akaya profesiya ano olesko/ olako shaipe.