Ajikerdo rezultati: Qhavoro identifikinla geometriyaki sfera e truposki

Mangle sheya:sastreneske love 20 centya vay 50 centya thy., parno lil A4, hrami, kolorya, (plastelina vay lila kuhinale thy).

Evolviripe e aktivitetesko: O dat vay diklardo may angle drabarla o mothavipe qhavoreske”Gogle- gogle beraber beshna, e gugle ukuseya ano muy kovlargyona”( zerne e drakake). Beraber e qhavoreya shay te arakhen ano kher obyektya, sheya kola siton sar o zerno e drakao (m.s. qaro, sahato vay sheya kola si ani kuhina e khereski). Leni kotar o duy misalya, trupo thay geometrikuni figura. Puqeni e qhavore kana dikna o draka ano tasfiri kay o zerne silen forma e truyalipaski numay kana lena ano vast dikna kay on yaverinena kotar truyal.

Lelola yek parno lil A4 thay o dat vay diklardo pikturinla e pori thay e patren e selesko vash o drak thay o qhavoro e sastreneske loveya alosarla e kopia e zernengi e drakengi thay may pale golorinla. E pastelina, humereya( vay e kuhinake lilenca kote si te sapakaren po hari payneya) formirinla o zerne e drakeske. Puqeni e qhavore so kergya buti? Sar diklona o zerne drakakeano pikturipe sar modelinla e pastelina?

Nesave pikturinena e drakeske zernenca on silen semi truyalipasko, numay kana modelinena on silen e forma e zernenge vay sferikune.

Tumare qhavoreya shay te khelen ini yek khelipe e lafyengo, m.s. Roni irangya o truyal ano truyalipe e rdakenge kykesko, vay te kririnl okhelipe ano theki e tingulako “Rr”.