Kolori thay emocie

Mteriali thay sheya: diklarno,lil kotar o kartoni, lila koloreya, hrami ,kolori , makaze, qaqkalice, thy.

Evolviripe e aktivitetesko: berabervakereni e qhavoreya so loshakarlole may but thay sar diklola o muy kana loshalola ? So darakarlole thay sar diklola o muy kana darala? So merzinlole thay sar diklola o muy kana merzala? So manglaa te hal may but thay sar diklola o muy kan gendinla ano hame ? thy., kote phirvgyola ini vash o yaver emocie thay savo dikhipe lela o muy vash ulavdi emocia.

Lelola yek paketi thay qingyola ani forma truyal. Ano koloreske lila ( vay parne lila koloringyona e koloreya)pikturineni truyal may tikne thay lepatineni ano lil e paketeski. Qhavorestar rodingyola te mothavel o emocie e loshaipeske te dikhel peste e emocia e loshalipaski ano diklardo. Dikhipe akava mothavipe ano diklarno ,qhavoro pikturinla ano ley lil truyal e koloreya kola si gatisardo may angle. Ayeka phiravgyola ini e yavere emocieyenca kay sile mangipe te kerelbuti. Palo agoripee pikturipesko e emociyengo ,kerde emocie lepatingyona ano lil e paketesko. Ano mashkar decisingyola ini o akrepi kova vazingyola yeke kripeya vay qaqkalica dandengi. O dat vay diklard vakerla o gendo (na po but se shtar) thay o qhavo o khelarla o akrepi aboka koba si o gendo. Ano aqhavipe e akrepesko ulavde emocie qhavoro mothavla emocie thay yek situacia kova sinole akaya emocia. O khelipe khelgyola koba si mangipe.

Vazdeni e qhavore te vakerel may but vash o emocie thay kana janla so dayekhoro si loshalo vay merzala,thy.