jivipya mere vesheske

Materiali thay sheya : role lila, lila koloreya, makaze, lepako, paketi kartonesko, lenya e pishake vay yaverune yeshelekya kola shay te araklon ani natur, pamuko,thy.

Evolviripe e aktivitetesko :Berabervakergyola e qhavoreya kote puqlole: Save jivipya jivdinena ano bersha? Sar diklona on? So hana? Savo khelipe kerna kana phirena? Save avazya mukna? thy.

Lelona o rolne e lileske thay koloringyona sarsi ano kolori e jivipyengo kova si te kergyol buti. Ano natheripe e rolnengo kotar o lil shay te lelon ini paketesko lilvash te kergyol o trupo e jivipasko. Kotar o lila ano kolori kergyona o muya e jivipyengo thay e lepakoa lepatingyona ano trupo e jivipasko e karakteristikune koloreya may angle e jivipasko. Palo gatisaripe e kamle jivipesko kotar o qhavoro, gatisargyola o vesh kote si te thovgyon o jivipya. O than kote si te decisingyon o jivipya shay te ovel yek paketi gatisardo kotar o dat vay diklardo, vay yek plastikaki kopana. Qhavoro ulavla o thana kote ka qhivel o jivipya thay may pale gatisargyona o thana kote decisingyona qarya ,krange pishake ,boqe pishenge thy. Pederal o versh shay te ferdel kokosi ,pamukovay stiropoli.

Malo butikeripe e jivipyengo ano versh, qhavore si te informimen yaver familiyake jenen,vay te kharen ini dayek mal vay malin thay te prezentinen o versh e jivipyengo olake /oleske.

Sar si pe nangipe, shay te baravalel o versh olake/oleske ini e yaver jivipyenge.