Halareni e qiriklen

Materialya: maroske kotora, khil, semenke, perienge kotora

Khareni tumare qhavore te gndinel vash e natura ji kay kerna habe vash o qirikle avri. Akava aktiviteti sito yekh loshalipesko shey vash te keren buti thay vi vash evovliripe e qhavoreska motorikako.

Qhineni yekh kotor e marosko thay leni hari khil vay jemi thay nesave ververutne semenke thay qhiveni anglo qhavoro. Pe shrd mothaveni e qhavoreske sar te vastinel yekh qhurik vay plastikaki roy vash te puterel o khil ano marosko kotor.

Pelareni pe godi qhavoreske kay akava habe gatisaren vash qirikle avri. Besheni pashe e qhavoreske ayekha kay te nashen kotar nesavo incidenti. May tikne qhavore shay ma te oven ani situacia te bularen o khil ko sasutni numay akava si regularuno. Mothaveni e qhavoreske kay akana ka qhiven o semenke pedral o khil. Vakereni e qhavoreske kay te astarel o semenke vastencar thay te bularel olen pedral o khil ano marosko kotor. Akaya sitoy but shukarni rig vash te zorakeren o motorikune tikne janipya!

Kana agorinena, phaneni yekh kotor e periako vash marosko kotor ayekha kay te umlaven ola avri. Te sine kay si shayutno, qhiveni ola pashe yekh dikhavni ayekha kay o qhavore shay te dikhen andral kherestar thay te dikhen kana avena o qirikle vash te han maro.