Akava sito moro trupo

Materialya: baro lil (flipchart, lil vash pekipe kartoni ty.), markeri, kolorya
Qhiveni o lil ani qeba thay rodeni kay qhavoro te pashlol pedral o lil vash te skicinen olesko/olako trupo. Prekal o markeri pikturineni skica e qhavoreske truposko ano lil, qhavoro siklola e korkori kontrola (te aqhol pashlo) ano vahti e skicipesko.
Palo kay agorinena o skicipe vakereni qhavoreya vash truposke kotora, puqeni te identifikinel o vasta pre, vogi thay buhlareni o alavari e qhavoresko anavindoy so may buderi truposke kotora thay kote arakhlona on. Deni kolorya vay markera qhavoreske thay rodeni te pikturinel sar ov janla truposke kotora puqindoy kote manglape te pikturinel o yakha, nakha, muy, bi imponindoy niso. Te sine kay ov/oy mangela numay te kolorinel/hraminel pedral o lil mekheni te kerel akava thay te qalargyol.
Te sine kay tumaro qhavoro na mangela te beshel pashlo, ma obligineni ole. Shrdeni te skicinen numay o vast,  pro vay sakova kotor e truposko kay o qhavoro alosarela.