Ajikerdo rezultati: Qhavoro vastinla yaverune sheya thay mothavla kova tyrliya e zernengo astarla hari than, a koya may but.

Mangle sheya: Pauleske zerne, pirinji, giv, kolomoki, akhora, nesave qarya kola si hor thy.(odola si ano kher)

Evolviripe e aktivitetesko : Berabervakereni e qhavoreya sar diklola o kinbikinipe kote bikingyona o frutya vay yeshelekya? Kote si decisime o phabaya, ambrola? A o giv, kolomokya, akhora? Shay te decisingyon o giv vay pasuli ani kutiya e paketeski sar decisingyona o phabay? Sar?

Leni o uqeleparde zere ( odola kola araklona ano kher, numay sasavipeya manglape te lelon yaverune kotar o kobaripe) thay yek tahtay payneya. Yek tahtay payneya pehergyola ms. Giveya thay boshatingyola ano yek qaro. Tahtay pherdi pasuleya thay palem boshatingyola ano qaro. So may but tyrliye e zernengo aboka may shukar vash te diklon kay bare zerne lena may but buvlipe se o tikne zerne.

Pikturineni nesave ravala e putarde muyeya. Pasulske zerne, giv, pirinji thy, lepingyona lepakoa o ravala e jeneske koay bikinla. Ko ravala vay koloringyona e koloreya vay shay te vastinen stofeske sheya.