Maangle sheya: Ulavdo vakti vash te vakeren tere qhavoreya.

Familiyake historie baravalena o ledeipe mashkar o dadalarya thay qhavore.

Besheni beraber e qhavoreya thay mothaveni kay si te giriqinen yek specifikuno vakti kote si te mothaven vash tumari familiya. Mothaveni e qhavoreske e historia vash o dadalarya thay tumare papolarya. Tumaen may pale decisineni akala historie ano yek pustik thay thoveni tasfirya kova si purane e familiyake.

Mekeni tumare qhavore sasavipeya te mothavel o nakle mothavipya kola si ano ulavde dive, sar si o feste, biyando dive thay familyarune ashlipya.

Mothaveni o vakti kana siney tikne. Hramineni kola sinetumen ani skola kote shay te mothaven vash o sikavno thay o krangya kola studinena. Vakereni vash o prala, pheyna vay o pashutne.

Hramineni tumen sar dadalarya yek pustik e phiravipaski e qhavoreya vash te kririnen yek historia e neva familiyake. Akava aktiviteti shay te ovel pe lugipe yeke kurkoske. Registripe e ovipyengo vash o dive thay tasfiryenge ovipya ano pustik ashutinla e qhavore vash te kririnel olaki/oleski familiyaki historia.

Kana o qhavoro shunla mothavipya, on shunena o avazo e mothavipesko. Akava ashutinla olen vash te shunen o lafi kana lena kan vash drabaripe avazoa vay janipe e mothavipasko.