![](https://edukimihershem.rks-gov.net/wp-content/uploads/2021/05/ThurjeGjethet-370x324.jpg)
Senzorikuno khelipe e insketyencar
Evolviripe e aktivitetesko : Qhavore silen mangipe kay te ekspozingyon pedral o materialya e ververutne teksturengo sar ano rano bersha. Sito vasno te inkuraingyon may but tromale khelipya kerde sar si pe mangipe e qhavorengo. So may but kay o qhavoro sito astardo ano olesko khelipe, vastindoy oleski imaginacia abokar may baro ka ovel o vijaipe kotar o khelipe ano sah aspektya e evolviripesko e qhavoresko. Ayekha kay adive, vasindoy habaske materialya, kreirinena yekh shaipe kay o qhavoro te astargyol ano eksploripe e materialengo thay te „anen“ e insektyengi lumia ani qhavorengi mesalin.
Phereni yekh qaro e qokolataka pudinka, vay fomririneni yekh humer (2 tahtaya varo, 2 tahtaya pani thay kako) thay qhiveni ini keravde shpagete thay/vay makarone, sar ini deni qhavoreske ververutne sheya kotar e kuzhina (roy, digreno, habaski astarni ty.) thay mekheni e qhavore te khelel tromale. Shay te keren nesave puqipya vash te bayaren o mangipe e qhavoresko vash khelipe, misal arakh thay ikal o kirme kotar e „balta“, te dikha kobar kirme arakhlan, kova kirmo sito may lungo yekh e yaveresta ty.