Giriqinava o aqhavipya

Materiali thay sheya: Kutia e paketeski, rovlika ( vay hramya koloreya), tahtaya lileske vay plastikako, lepakothy.

Evolviripe e aktivitetesko: Umlavipeya sar si pe kobaripe e pakosko decisingyola o aqhavipe thay safe. Lelola e kutia e paketeski koya may angle e ashutipeya kotar o dat vay diklardo. Ano rigya e paketeske phaglola yek kotor e harne paketesko paketi sar aqhavipe vash tena iklol avri e paketestar kilikerya(ano na theripe e koynakyengo,shay te vastingyon topke tikne kotar e plastelina, vay te vastingyon ini mirikle). Rovlika decisingyona e lepakoa kontra kote si te planifikingyol may angle drom kotar si te khelargyon o koynakya vash o tahtaya. Palo agoripe butikeripe e paketesko, pako manglape te decisingyol kontra kote si te vazdingyol kotar yek rig thay yek kotor e telunako siton o safe.

Khelipe startinla kotar yek manglo than yek koynako vash te dikhen o drom vash te giriqinen thay o tahtay kola si te perel. Khelipe phiravgyola ini ano alosaripe yaver droma thay ano mekipe may but koynakya ano ayni vakti . Palo peripe e koynakyengo kotar o tahtaya, gengyona o koynkya, ano shaipe kay te dikhen kova tahtay si may but a koya may hari.