Me ani harta
Materiali thay sheya:Lila koloreya, tasfiri (tasfiri e qhavoresko, kheresko, mahalaako,dizyako,rashtrako komuniteteske, lumiake) , kolorya , makaze, spaga
Evolviripe e aktivitetesko:Berabervakereni e qhavoreya koba penjarla o mashkar ov/oy kote jivdinla, kote puqlole m.s. Ano kova drom jivdineya? Ani koya mahala? Sar khargyola e diz kote jivdinena ? Sar khargyola e rashtra kote jivdineya. Palo respodipe e qhavoresko e puqipyengo kotar o dat vay diklardo, dat vay diklardo dikla kote si mangipe vash ashitipe thay laqhargyola o qhavoro . May pale leni lila lokoreya vash yaveripe (ano natheripe e e koloryune lilengo shay te vastingyon ini numay yek kolori) thay kotar o qhavoro rodingyola te arakhel sheya kola siolen truyaloski forma vash te kopinen o truyalipya. Sheya e truyalune forma manglape te oven ano yaverune truyalipya Lelola o shey vay obyekti e may tikne truyaleya thay kopinkgola ano lil ano truyaleske forme kote shay te phiraven ini o yaverune forme e kobaripeya kotar may tikni. Palo kopipe e truyalengo ,qhavoro qhinlole n makazenca thay seralaynla kotar may tikno ,qhavoro decisinla olako/olesko tasfiri ano kher. Ano trito truyal pikturingyola o drom thay e mahala kote jivdinela qhavoro vay lelola dayek tasfiri e mhala. Ano shtarto truyal decisingyola e harta e dizyaki ( o dat vay diklard loke linya pikturinla e harta qhavoreska dizyake) thay o qhavoro qhinla thay decisinla ano truyaluno buvlipe. Ano truyaluno buhlipe vash ponj pikturingyola Kosovaki harta. Dat vay diklardo thay qhingyola kotar o qhavoro, vay lelola dayek tasfiri e kosovaka harta. O dat vay diklardo posalvla o buvlipe truyalipya kote phanglolen e spaga.
Sar si pe mangipe shay te khelgyol o khelipe “ Ko siyum thay kote jivdinava”. Akava khelipe startinla kote kergyola puqipe dadeske vay diklardeske , sar m.s. :
Ruyjinatumen prezentingyoven! Thay o qhavoro vakarla poro nav thay lagapi .
Ano kova drom thay mahala jivdinena ? – Qhavoro mothavla poro drom thay piri mahala olako/olesko.
Sar khargyola tiri diz kote jivdineya? – Qhavoro mothavla o nav e diyako olako/olesko.
Sar khargyola tiri rashtra? – Qhavoro mothavla sar khargyola oleski rashtra/than kote jivdinela. Sar si pe mangipe thay interesipe e qhavoresko o khelipe shay te khelgyol kote ka dikhel e komuniete thay lumia.
