Nishanya ano yiv

Materialya: qare, yiv vay varo, khelipya
Te sine kay realizinena akava aktiviteti kana o vahti sito e yivea, odoya ver vastineni o yiv vash te realizinen akava aktiviteti. Leni yekh qaro thay ikloveni avri thay phereni yivea. Trumineni hari vasteya thay qhiveni palem yiv. Arakheni nesave khelipya, sar ververutne geometrikune forme vay khelipya jivutrencar. Bastrineni sakova khelipe ano yiv ayekha kay te aqhol klaro o nishani e khelipesko thay te identifikingyol kotar tumaro qhavoro. Lugyareni ji na pherna o qaro ververutne nishanencar.

Rodeni e qhavorestar te qhivel obyektya ko manglo nishani. Ji kay kerna akava puqeni vash te anavinel o obyekti, forma vay kolori.
Te sine kay na si yiv, akava aktiviteti shay et vastinen vastindoy o varo vay humer sar alternativa. Mekheni kay o qhavoro te eksplorinel o material thay te khelel sar si pe oleski imaginacia.