Phiripe ani natura – fruti ano yeven

Materiali thay sheya : rovlika kashteske, lil, lepako, pamuko vay lil e tualetesko

Evolviripe e aktivitetesko :  E qhavoreya  manglape te  ikloven ano  yek  phiripe ani natura  pashe khereske  vay stanesko. Diklareni e natura kote pasharena e qhavore vash te mothaven o yaveripya vash yevendesko periodi.

Te sine kay nashti ovena korkore ispati e ivesko,  aboka may hari o baro ovipe e frutyengo, amen vastina o suro vash te dikha sar o frutya yaverinena pe lugipe e periodyengo. Feriso arakha kay but produktya nashalena o patrenya , tumen shay te kriirinen yek arti e yevendune frutyengo. May laqo kotor e aktivitetesko si o arti iklipe avrike thay kedipe e rovlikengo kotar o kashta!Leni beaber e qhavoreya nesave rovlika tikne kashteske kola araklona ani natura.

Vakereni ini vash o fruti, sar diklola oy ano periodi e yevendesko,  thay alosareni beraber kola si te len vash o kher feriso beraber si te keren o fruti e yevendesko ano kher rovlika/krangya tikne kola kedena beraber.

Ano kher, beraber e qhavoreya shay te startinen te tiknaren o rovlika . May angle kereni yek lepako (varoa thay payneya), a tesine kay situmen lepako odoyaver vastineni. Mekeni e qhavore vash te modelinel o fruti krangenca kola si kedime e ashutipeya kotar o lepako. Pederal akava fruti shay te decisinen nesave kotora e pamukoske vay lila kotar o tualeti parne lila , qhinde ano tikne kotora, kote lepatinena ano krangya.

Mekeni e qhavore te kenaqingyol thay vakereni oleya sar yaverinena o frutya ano yeven thay sar amen shay te vastina matrialya e naturake vash te kririnel yek shukarno artistikuno ovipe . Pakyava kay ka ovel shuka akava aktiviteti arti yevendesko tumare qhavoreya.