Mothavipe “Moro fruti”

Materiali thay sheya : Na manglape ulavde materialya

Evolviripe e aktivtetesko : Tikni Tea decisingya duy tikne vasta ano muy diklela sine kotar e penxhera kheresko boro . Odote sine fruti kova oy sivingya beraber e dadeya yek bersh may angle. Fruti payrilo numay na aboka koba oy mangla sine. Soske na ulo may baro o fruti thay yaver? – vakergya oy korkoripa. Tana sitoy nasvali thay mangela medikamenti? Akava gendipe angya olake darikeripe thay prastasali ko day koya drabarela sine revista. Daye, soske na bayrola may sig moro fruti , numay aqhili tikni, tana sitoy nasvali? Day hasasali . Teake akya mothavena sine o darikeripe, maypale pashili uzo late lela ola anglae thay phengya:

-Tea , toro fruti sitov sasto, na sitov nasvalo, numay manglape vakti vash te bayrol .

– Vaama me nagava kay ov te bayrol sig ,daye.

– Janava Tea numay o fruti thay o sivipya silen mangipe amen te dikhaolen ano yek lugo vakti vash te bayron. Numay ava te mothavav diso.

Lelaola vasteya e Tea thay gele ano olako dolapi, odote kote e Tea meringyola sakoyaver ano yek than koba oy lugili.

Dik Tea – vakergya e day. Akate tu ddikheya koba siyan bayrili sakova bersh, ayeka ini o fruti bayrola sar tu sakova bersh.

– Ah ,lelum kan daye, oy bayrola sar me.

– Va Tea, vash akava ti manglape te dikheole kote suvarineole diklareole kay oy si te bayrol sasti ayeka sar mangela.