Arak kote?

Materiali thay sheya : O karte kova situnem ano ilustripe kova gatisargyona kotar o qhavoro kote pikturinla sakoya olendar ano yek kotor e lilesko ani forma e kartaki.

Evolviripe e aktivitetesko: Adisuno aktiviteti manglape te evolviringyol ani natura, thay sitov yek kedipe pederal anglonilayeske aktivitetya. O dat manglape te sigurinel kay sakoya kotar o karte te oven gatisarde startipeya kotar o qhavoro. Mothaveni e qhavoreske o figure thay vakereni te gatisarel shov karte pana bi nikisto kotar o kher kote si te pikturinel sakova yek kotar o figure ilustrime. Maypale beraber e dadeya,o qhavoro manglape te niklol ani natura thay te decisinen sakoya karta kote sila o than ani natura , m.s. qiriklo manglape te ovel ano qatlo, paloakava vazdela yek qatlotikno thay decisinla e karta e qirikloski. Ano mashkarovakti o pequrke sila mangipe vash e phuv, thay o qhavoro decisinla odova ani phuv. Vash sakoya figura manglape te arakhen o than kay manglape vash te bayrol vay jivdinel. Adive o qhavoro manglape te vastinel kreativiteto thay janipe vash te araklol ano mashkar.

Tumen shay te kririnen ulavdo than ano mashkar kote o qhavoro shay te kririnel yek beraberyuno ambiyenti vash sa o figure kova sile ano karte. Sasavipeya o dadalarya manglape te diskutinen o phanipe e obyektyengo e yeke yavereya numay evolvirinena akava aktiviteti. Vash misal, “soske e karska berlake manglape e luludi?” Qhavoro shay ov/oy tena ovle informimi vash o klaripe, palo akava o dat ashutinla e klaripeya olake/oleske.