Qiriklesko qatlo
Materiali thay sheya : lil koloreya vay tekstili koloreya, plastikako tayniri vay lilesko, makaze, lepako sar ini thav poshomako e kahaverenege koloreya vay ini dayek yaver kolori. Vash akava aktiviteti shay te vastingyol pulpe, vay e lileya gatisarenin o phike e qirikloske.
Evolviripe e aktivitetesko : Adive si te kririnen beraber e qhavoreya o qatlo e qiriklosko, kote si te decisingyon yek vay may but qirikle kote si te kerel buti o qhavoro. Startipeya shay te vakeren e qhavoreya kay sakova tipi e qiriklengo si ani natura . Tumen sar dadalarya ashutineni e qhavore e sakole tipeya e qiriklengo kay o qhavoro shay tena penjarenole.. vashte ilustrina yaverune tipya e qiriklenge shay te vastinen ini video ano Youtube vay te diknek tasfirya kotar o pustika kola shay te araklon ano kher. Maypale rodeni kotar o qhavoro vash te alosarel yek vay duy preferime kolorya vash te alosaren o trupo e qiriklengo. Startipeya qhavoro pikturinla duy toperlakya kova qhinlolen makazenca thay te arakhel yeke-yavere. Vash te kerel o akya shay te vastinen gatisarne forme sar ani figura, vay te pikturinen qhavore e kale hrameya. May pale, ani yek forma kotar o rombi pikturingyola ano lil thay qhingyola makaza vash te ovel o nak e qiriklosko. Pe agor lepatingyona o perle, ano na theripe e olengo shay te qhingyol ano lil o shtarkysheliye thay te kaplangyon sar hramonika, thay lepatingyola ano phike. Qhavoro shay te gatisarel koba qirikle mangla.
May pale gatisargyola o qatlo. Vash te vastingyol vastingyola yek plastikako tayniri kova shay te ulaven ano duy kotora, vay qineni yek lil ani forma e qatloski. Odote lepatingyona o thava e poshomake, vay qhavoro shay te vastnel ini shuko qar kova decisingyona ano than e qatlosko. Ano qatlo pe agor decisingyola kerdo qiriklo. Akava butikeripe shay te garavgyol ano yek shukarno than e kheresko, ini so si dosta shukarno. Pe lugipe e butikeripesko o dat shay te ashutinel e qhavore vash te lokan kay o qirikle gatisarena o qatlo vash o anlonilay.
