Korpa e patrenyencar

Materialya thay vastushya: korpa vay kutia, patrenya, lepako, lil, ty.

Organizipe e aktivitetesko:  Aktiviteti rekomandingyola te  adikergyol ano avruno ambienti, ini te sine kay perela brshin. Mekheni e qhavoreske te tentinel kay te uravelpe korkoro thay khetane ikloveni ani natura, ano parki vay avlin. Mekheni olen te khelen patrenyencar, e kashtencar vay yaver sigurune sheyencar kay arakhla ano parki vay ani avlin. Palo odova, rodeni kay te kedel ververutne patrenya thay te qhivel oleni ani korpa, ani kesa vay ani kutia. Mothaveni oleske kay te dikhel kay ma te phagel o patrenya. Palo kay irangyovena khere, ne quqaro o patrenya ani tavolina vay ano tepiko, palo odova puqeni so mangela te kerel olencar. Tumen shay te qhiven yekh lil, gazeta vay lil e revistako ano jami vay ano zido thay qhavoro te tentinel te lepinel korkoro o patrenya odothe. Tumen shay ini te inkurainen  kay te frdel o patrenya thay te mothavel o shunipe kay sile ano oleske/olake vasta. Palo kay agorinen o khelipe, qhavoro angazhingyola kay te shuzharel o khelipesko than.