Moro nishani

Materialya thay vastushya: ververutne rangya vay lil vay gazeta vya yekh purano qarshafi, perienge krange koloreya, ty.

Organizipe e aktivitetesko: Avdive sah so manglape tumenge sito yekh tehno than vash te pikturinen tumare qhavoreya. Mekheni e qhavoreske te quqarel o kolorya ano nesave tanyirya vay tasya thay palo  odova oy/oy decisinla poro vast ano parno lil, ani gazeta vay ano purano qarshafi. Mekheni kay te qhivel po vast ano kova mangla kotor e lilesko, gazetako, qarshafesko, ty…mekhindoy ayekha te mothavel olesko/olako kreativiteti. Ano akava vahti, puqeni ole so kerla thay savo kolori vastinela. Mekheni te khelel ayekha vash 20-30 minutya thay palo odova khetane shuzhareni o than. O kerde butya qhiveni ano yekh than kay dikhlola ano kher/stani.

Vash may tikne qhavore, tumen shay te pikturinen o qhavorekso vast ani yekh lil thay palo odova o lil te qhiven ano vudar e frigoriferesko vay ano zido. Tumen ayekha vi shay te lepinen nesave kotore e koloreya ano zido thay te roden olendar te ciden odotar thay te qhiven palem.

Sugeripe:

Sigurineni butyako lil e ververutne figurencar thay vazdeni tumare qhavore kay te khelel e kolorencar. May hari yekh ver ano kurko, mekheni kay te kreirinel diso nevo kotar olesko/olaki imaginacia thay kreativiteti.