kolorya ano khelipya

Adive si te zorakera o gendya thay o kolorya beraber e qhavorenca. Manglape tumenge sa o khelipya kola situmen ano kher, biumlavipeya savi forma,kolori , matriali thy. Sa akala khelipya shay te thovenolen ano mashkar e sobako vay ano paketi. Shay te thoven ini yaver obyektya kay o qhavoro alosarla sar khelipe.

Ani yek safa decisineni 3 ji 5 kotora e lileske kola siyen kolorime kotar yek topka e koloreya baza.

Rodeni qhavorestar ano kareshtipe e lileno te lol yek olendar. Mekeni korkoro ne putarel o lil thay ne  mothavel savo kolori arakla.

Palo dova ov/ oy si te arakhel sa o khelipya odole koloreya, si te nikalel kotar e korpa, thay si te genelolen kobar siton sa. Shay te mothaven kova si may baro kova may tikno… thay kote silen o yaveripe yeke- yaverestar.

Qhavoro kerla akava e sa koloryenca kola siton ani korpa.

Palo agor e khelipasko, qhavoro beraber tumenca regulinla o khelipya ano thana sar ini o ambiyenti.