E balal phudela

Materiali thay sheya: lila yaverune koloryenca, hrami, makaze, shiiti lepako, yaverune sheya yaverune kobaripeya ( m.s pendta, shusharne kanenge, shtipalke idyenge vash shukipe e idyengo,memelake kolorya thy.)

Evolviripe e aktivitetesko: Leni o lila koloreya kola qhingyona ano hiritya. Qhinde shiritya leipneni ano truyal e dayeka meslinako vay beshlarinako sar si dendo ano misal. Tele sakolake shiriti astargyola lepakoa o sheya kova si yaverune kotar o kobaripe thay yek shiriti manglape te adikergyol quqo.

Vastineni yek femi vash shukipe e balengo vash te kririnen e balal ( ano na theripe e femesko shay te lolpe yek paketi kote manglape te khelaren tele- upre sasto – solako). Palo phudipe e balalako, berabervakereni e qhavoreya kote si te puqenole kova shiriti e lilesko khelargyola may loke.

Probineni ini e sheyenca /obyektya yaver kova si te decisinen ani meslin vay myshema. Diskutinei kote si te puqen ; kova phudingya e balal kola na? Soske olen phudingya e balal? Soske akala na khelavdile niyek vay khelavdile hari? thy.