Vastengi ekspozita

Mangle matrialya: purani  uqhardi, kolorya ano khereske kondicie, hrami.

Evolviripe e aktivitetesko: Sa o reprezentya pikturinena o vast yeke purane uqhavipeya parni vay koloreya, kova ekspozingyola ano yek kotor e kheresko ano duvari. Qhavoro rodela kotar o sa reprezentya vash te keren nashusho o vast sakova ovipeya kola ilen kher. Shay te keren e xhemeya, keqapi, panie bibereya, pani kahaveya te sine kay si ano kher, thay te decisinen o vast ani gad decisimi vash ekspozita.

Paloakava o qhavoro manglape te rodel te pikturinel o vast kolenca shushargyola pashe vasteske nashusharno. Qhavoro kopinla hrameya sakasko vast. Saren beshna ano truyal e postereske thay sarenenda olendar startinla te mothavel kova si o diklaripe ano mashkar duy vastenge vash pikturipe.

Inkuraineni e qhavore vash te ovel phiravno e vakeripesko. Ano yek kotor shay te keren ini bangipya kotar o dat e suroa vash te stimulingyol o gendipe e qhavoresko thay te ovelolen dispunipe vash te hasal. Akava si o vakti kana shay te vakeren e qhavoreya soske manglape te thova amare vasta payneuya thay kova si shaipe manglo vash te kerel akava.

Pe agor, geneni o bajakya e thovipe e vastyengo: misal: “ Numa, amaro angluno bajako …” “Duyto bajako..” thay “pe agor,amen thova shuka o vasta”.