Vakera’ vash emocie

Ini anglo se qhavore te vastinen o alavya, te sine kay tumen mothavena eksperienca tumari emocionaluni, akava azhutinla e qhavoren te phanen pere shunipya e alavyencar. Adive oveni olengi dikhavni:  reflektineni olenge emocie,  na musaipeya te imitinen olen qaqipeya. Kereni tumaro muy ayekha sar kerela o qhavoro thay palo odova anavineni e mangli emocie e tehne thay kovle avazoa. Kana mothavena vash mothavipe thay tumaro avazo kay lena kan olenge emocie, tumen azhutinena tumare qhavore te lel o hulaipe e emocionaluna eksperiencako. Respodineni oleske/olake vokalizmenge…kana qhavoro kerla avazo thay mekhla avazo. Kereni shereya thay respodineni sar kay te len kan so mangela te vakerel. On siklona shukar o vakeripe ini anglo te shrden te vakeren.

But vasno vash tumenge dadalarya:  Sikloveni te den thanipe e tumare qhavoreske kana ov/oy sitoy ani situacia te khelel thay sito zorakerdo thay iritimo. Vakereni kovle, leni angale olen thay khelaveni lokhe angle thay pale vash te azhutinen te ashlol thay te tehningyol.