Papake kiterya

Materiali thay sheya: 50 g kolomoki vash kiterya, 250g margarini,250g shekeri, 2 roya e habaske kakao, 2 qarya vash keravipe thay 1 tayniri.
Evolviripe e aktivitetesko: Ano luge palo mesmerya e yevendeske, ano yek tato familyaruno ambienti, kiterya siton may laqi ideya vash te amalingyl yek mothavipe yeke paramisesko vay dikhipe e dayeke filmesko vash o qhavore. Adive unuko/unuka si te ashutinel e papin vash te gatisarel kiterya e qokolata. Vash gatisaripe e kiteryengo ano akava purano shaipe kay o papolarya sasavipeya si te godinen kotar olengo qhavoripe, manglape uqeleparde mase. Mekeni e unuko/unuka kay te quqarel kvash e kolomokesko ano qaro e kapakoa kote si te keren o kiterya. Paloakava e papin te qhivel o margarini thay te thovel ani yag ji kay putargyona. Ayni kereni ini e yavere kotoroeya kotar o kolomoki ,numay ano yek yaver qaro ,papin , e ashutipeya kotar o unuko/inuka , si te thovel o margarini.shekeri thay o kakaopraho vash te bilagyol. Paloakava, kiterya gatisarena thay qhivena ano kareshtipe e qokolatako thay beraber e unukoa/unuka decisinena ano yek tayniri hor thay besheni vash te mothaven dayek paramisi vay te dikhen dayek filmi vash o qhavore ulavipeya so mangla tumaro unuko/unuka.