Khelipe e phuvyako truyal o kham

Matriali thay sheya : truyaluni tepsiya, tikni topka gumaki vay ( phabay, portokali mandarina), loli pastelina, zhuti vay orange kolori, vay lil ano yek rig kotar akala trin kolorya, thay lepako vay ini havayako kolori e lileski vash o pakyaripe ano na theripe e topkako.
Evolviripe e aktivitetesko: Pashargyola ini o vakti kote si te phiravel yek purano bersh a si te ajikera yek nevo bersh. Vash te lakan may shuka o nevo bersh may loke, vakareni tumare qhavoreske may harno shaie kola si shaipyuno vash iranipe e phuvyako truyal o kham. Akava iranipe shay te hraminen sar khelipe e phuvyako truyal o kham. Pashareni e qhavoreske yek tepsiya truyal thay yek pastelina e lole koloreya ,zhuto vay orange kolori kova si te simbolizinla o kham, a te sine kay na situmen pastelina ,qhineni yek lil yek kotar o kolorya upreleparde ano truyal forma thay deni e qhavoreske te lepitinel ano mashkar e tepsiako , may pale te decisinl ini e topka vay, te sine kay na situmen topka, vastineni yek fruti toperlak kotar odola uqeleparde ,pakyardo lileya havayake koloreya vash te simbolizonel e phuv. Ano starti demostrineni e qhavoreske o khelipe e phuvyako truyal o kham (sar si ano modeli ano tasfiri) maypale te den e qhavoreske vash te kerel akava khelipe. Shay te den e qhavoreske ini yek lil kote o qhavoro may pale si te kerel shaipe te pikturinel ayeka sar shay khelela e phuv truyal o kham.