O korite phirna ano pani

Adive shrdeni o dive khelinindoy e qhavorea avri ani natura. Mekheni olen te angazhingyol thay te prastal te ovel bahtalo.

Kana decizinena te iranentumen khere, o khelipe phiravgyola e kreiripea o korite thay olengo mekhipe ano pani vash phiribe. Qhavoreske si te manglope nesave kapakya e shishyengo kolorea, yekh kotor sungjeri, yekh plastikaki kaday,  paluno kotor e plastikake shishyengo thay aver. Si te manglope ini nesave spice e dandyengo thay nesave trokutya tikne vash te kerel o flago (bayrako).

Tumen kereni angluni korita thay rodena kotar o qhavoro te phiravel o bajakya kay tumen kergyen. Palo odova mekheni te tentinel te kreirinel so may buderi korite kay therla mangipe te kerel e elementyencar kay therla.

Palo so agoringya pashaveni yekh safa e payneya thay o qhavoro te decizinel o korite oleste. Te sine kay jivdina pashe dayk payneste vay lenake, vay arakhona ano ashlipya ano deryav, nakheni ketane qhavorencar pashe oleske thay mukheni te mukhel o korite odote. Siguringyoveni kay te oven pashe qhavoreske.

Qhavoro shay te phudel o korite vash phiribe ano pani, vay shay te phudel olen ini yekhe pipea.

Vakereni vash o korite, brodya thay kote mangla sine o qhavoro te drominel olencar nilayeske. Mothaveni dayk storia kotar tumare dromipya vay drabareni dayk paramisi.