Astra maqe

Te sine kay araklona ano ashlipya, shay kerena akava aktiviteti ketane tumare qhavorencar odothe kote siyen, ano deryav, len vay baseni

Tumen shay kerena akava aktiviteti ini ano tumaro kher vay oboro e tumare apartmantesko vay e mahalako.

Tumenge manglarno sito te improvizinen yekh ambienti paynea, kova shay ovla kotar yekh materiali e mavia kolorea, vay dayk legenestar vay kanta paynea kote, tumaro qhavoro telarla o maqe khelipya kay therna khere thay aver qhigodya so shay astar o deryvav, tikne bara, luludya, obyektya tikne thay aver.

Tumen shay gatisarna nesave maqe ketane, isi shayutno kay te qhinen olen ani forma e maqeski o materialya kotar e plastikaki qesa e koloryencar thay te fulinen olen ano deryav, len vay kreirimo baseni.

Palo odova, ano yekh tikno kasht, qhiveni yekh thulo fili thay ano olesko agor decizineni yekh lil kova lepinlape sar yekh tikni topka.

Tumaro qhavoro beshla pashe deryaveske/lenake/baseneske thay kerla tentipya te astarel maqe oleske/olake grepea.

Besheni ketane qhavoreya thay mekheni te tentinel but ver te astarel o maqe. Ano akava vahti tumen shay vakerna vash o deryav, lena vay baseni thay so therna andre on, sar sito o pani sakole olendar thay soske musay te garava olen.