Loshalo, holamo, phage vilesko

Qhavore shrdena te jivdinen emocie sar kotar momenti kay biangyona – te sine kay na may rano. Nesave kotar emocie kay jivdinena pe shrd siton stresi, qudipe, ayekha vi vilesko phagipe. Akava khelipe kay ka keren adive tumare qhavoreya ka azhutinel ole te eksplorinel pere shunipya.

Materialya: libri e fotografia, tanyiri lilesko vay kartoni/lil, hramarno.

Pe shrd pikturineni ververutne mothavipya e muyeske kola mothavena shunipya ververutne sar loshalipe, osandripe, phango vilo, dar ty. Akala muya shay te pikturinen ano lileske tanyirya, vay ano yekh kartoni vay lil.

Adikereni e qhavore ano phike thay drabareni oleske yekh mothavipe kova mothavela nesave emocie. Kana yekh emocia lepargyola ani pustik, adikereni anglo tumaro muy tanyiri kay qhivela odoya emocia. Rodeni e qhavorestar kay vi ov te kerel yekhuno mosko mothavipe thay mothaveni: kana shunape loshalo amaro muy lela ayekha dikhipe thay hasabe … Lugyareni e mothavipya adikerindoy o muya pikturime vash sasavi emocia kay lepargyola ani pustik.

Te sine kay na situmen yekh pustik kay hraminela but emocie, tumen shay te keren korkore yekh sade mothavipe. Misalake yekh dite Yeta iklisti vash phiripe e da thay sine but loshali. Oy peli thay shrdingya te rovel soske darandili…

Tumen ayekha vi shay sade te decisinen o pikturipe anglo muy thay te vakeren: sim loshali, duryareni o pikturimo muy thay kereni yekhuno mothavipe ini tumare mosko.