Kolorya thay e kuyna

Materiali thay sheya: tikne qare vash o pani, kakao,lolo biberi, kalo biberi, vegeta, borovnice, yuhurti vay yaver dayek qhigode kova shay mukla kolori kana kareshtingyola payneya.

Aktiviteti: Adive shay te ovltumen hari kareshtipe ani kuyna, numay ini shukaripe kana dikhena tumare qhavore kote kenaqingyola koloryenca kola shay si te ovelole kotar o kareshtipe e paynesko e melmesyengo thay habaske sheya.pashareni e qhavoreske nesave tikne qarethay nesave habaske sheya kotar e kuyna, sar: kakao,patlijynengi salca lolo biberi, kalo biberi, yohurti ,borovnica vay kupine, thay rodeni kotar o qhavoro kay ano sakova qaro te qhivel hari pani thay pederal o pani te thovel po yek roy vay duy roya ulavipeya koba dela kolori payneske vash kriirimo kova si te qhivel. Qhavoro si te thovel yek qaro m.s yek roy lolo biberi thay si te kareshtinen e roya ji kay o pani lela hari kolori , may pale palo odova phiravgyola ayni yek yaver kriripe . Sasavipeya, qhavoro diklarla kova kriirimo shey kareshtingyola may loke thay may sig e payneya , kova may phare thay may yavash, thay pe agor pasharna e qhavoreske yek lil thay brusha (sunjeri)thay rodeni olatar/ olestar te khelel koloryenca .pe lugipe e kareshtipasko kereni puqipe e qhavoreske sakoyver, sar;So si akava? Savo kolori sile? Soa siyan kareshtimo? Numay akana so ulo?,thy.

Ano agor e aktivitetesko rodeni kotar o qhavore vash te kedel o kolorya thay te pasharel ano lavaori thay te shusharel e meslin kote kerdo buti. O butikeripe manglape te mekel te shukyol thay te dikhen sar diklola kana shukyola.