Todina vash moro dat

Materiali thay o sheya” lil koloreya, hrami, makaze , lepako.
Aktiviteto: Tumen adive ashutineni e qhavoreske vash te kerel yek todina dadeske. Ano starti rodeni e qhavorestar te vakeren shukarne lafya vash o dat,m.s .: mo dat si zoralo , e dade kamama may butthy., a ini adikereni hramipya kova vakerla o qhavoro. Maypale, ano yek parno lil pikturineni qhavoreske yek kravata (ayeka modeli dendo ano tasfiri) thay ano mashkar e kravatako hramineni shukarne lafya kova o qhavoro vakergya vash o dat. Pashareni e qhavoreske tikne kotora e lileske koloreya ,qhinde ani forma , sar: truyal,shtarkysheliya,trinkysheliye vay ini qhinde kotora sar dekorative kola situmen khere, kola lepatingyona thay dekoringyona ani kravata. Mekeni e qhavore vash te lepatinel sar ov sile mangipe bixo tumaro khuvipe.
Pe lugipe e vaktesko qhavoro si lepatipa ayeka sar manglape ,tumen kereni puqipe,sar: So kerena? Savo kolori si e kravata? Kaske kereya ? thy. Peagor. Qhineni e makazenca e kravata thay thoveni ani yek koverati kay tumaro qhavoro kerla supriz e dadeske beraber yeke puqipeya.