Klasikifina o materialya e naturake

Materiali thay sheya: qaro vay qanta, materialya e naturake, lil thay hramarno .

Evolviripe e aktivitetesko : Adisuno aktiviteti eviovlirina ani natura, kote khetane e qhavoreya iklona avri thay eksplorinena materialya kay shay te arakhen ani natura. Leni tumencar yekh qaro thay kedeni ververutne sheya: bara, qare, patrenya, krange, luludya… Mekheni e qhavore kay te shunen ano vasta materialya thay vakereni savo shunipe denole. Misal, bar sito zoralio, khuvdo thay palo odova rodeni vash te yaver bar… qar vay kovli luludi, kishli ty.

Palo odova besheni ani qar vay ano yave rshukar than thay klasifikineni o obyektyua kay kedingyen. Kedeni o zorale sheya ani yekh grupa, sheya e galbeno koloreya ani yaver grupa, vay grupe e barenge, patrenyenge, luludya, krange. Decisineni obyektya yekh po yekh ani decisimi grupa puqindoy e qhavoren vash kote gndinena kay manglape te decisinen o sakova materiali.

Aktiviteti e klasifikipesko shay te keren kana irangyovena andre, pikturindoy ano yekh parno lil nesave shtarutne,  thay grupindoy o materialya sar si pe forma, kolori thay materiali.